маневр жолдары

(Пути маневра)

құрамалардың (бөлімдердің) әрекет жасау аумағында екінші эшелон-дардың маневрлері үшін материалдық құралдарды жеткізуге, науқастар мен жаралыларды, қираған техника, қару-жарақ және әскери мүліктерді жеткізуге арналған әскери жолдар. М.ж. құрамына маңдайшептік және рокадалық бағыттардағы негізгі және қосалқы жолдар, бөлімшелер, бөлімдер және тылдық мекемелердің орналасу аудандарына келетін жолдар, жолдардың қиын өтімді бөліктерін айналып өту жолдары және ауыр шынжыр табанды техникаға арналған лек жолдары кіреді. Маневр үшін екінші эшелондардың (қорлардың) орналасу аудандарынан бастап, олардың жайылу шептеріне дейін жолдар (лектік жолдар) дайындалады және тағайындалады. Жеткізу және эвакуациялау үшін, әдетте, төмендегідей: құрамаларда — олардың қоймалары орналасқан ауданнан бастап, әскери бөлімдердің қоймаларына, артиллерия (ракета бөлімдері) бекіністерінің атыс (ұшыратын) аудандарына және дәрігерлік пункттерге дейін; бөлімдерде – олардың қоймалары орнынан бастап, батальондардың жабдықтау взводтарына, артиллерияның атыстық бекіністеріне және батальондық дәрігерлік пункттерге дейін жолдар тағайындалады. М.ж-н дайындау мен пайдалану барлау, жолдарды қалпына келтіру мен жөндеу және жаңа жолдар, айналма жолдар салу, көпірлер тұрғызу, су бөгеттерінің түбі арқылы өту үшін трассалар дайындау, оларды жол белгілерімен және жол көрсеткіштермен жабдықтау, жолдарды өтімді жағдайда ұстау және оларда коменданттық қызмет ұйымдастырудан тұрады.